මාගේ දෙවැනි බ්ලොග් සටහන ලියැවෙන්නේ 2004 වසරේ තිරගත වුනු The Machinist (යාන්ත්‍රශිල්පියා) චිත්‍රපටය පිළිබඳ කරන ලද විමසුමක් ඇසුරිණි. මෙම සිනමා කෘතිය අයත්වන්නේ psychological thriller (මනෝම ත්‍රාස්‍ය) ගණයටයි. සාමාන්‍යයෙන් මෙවැනි ගණයේ චිත්‍රපට වලට වැඩි කැමැත්තක් දක්වන මාගේ අවධානය කෙලින්ම යොමුකරගැනීමට එහි සිනමා පෝස්ටරයේ රූපයට වඩා වදන් පෙළක් සමත්විය. එනම් "How do you wake up from a Nightmare.. if you're not Asleep?" කාටත් පැහැදිළියි.
මෙම චිත්‍රපටයේ ප්‍රධාන චරිතය රඟදක්වන්නේ ක්‍රිස්ටියන් බෙල් විසිනි. ඔහු විසින් Trevor Reznik නම් ලේ යත් කාර්මිකයාගේ චරිතයට පණපොවයි. මෙම පුද්ගලයා වසරක් මුළුල්ලේ සිට අනිද්‍රා රෝගයෙන් (insomnia) සහ විෂාදයෙන් (depression) පෙළෙන්නෙකි. Batman Begins චිත්‍රපටයේ ප්‍රධාන චරිතයට ඉතා හැඩිදැඩි සිරුරකින් යුතුව රඟපෑ ක්‍රිස්ටියන් බේල් මේ චරිතය සඳහා ඉතා දිරාපත්වූ සිරුරක් චරිතය සඳහාම සාදා ගැනීම වෙනුවෙන් 2004 වසරේ කැටලෝනියන් ජාත්‍යන්තර සිනමා උළෙලේදී හොඳම නළුවාගේ සම්මානය ක්‍රිස්ටියන් බේල් හිමිකරගැනීමට සමත්විය. චරිතය සඳහා ඔහුගේ කැපවීම පහත චයාරූපයෙන් දැකගත හැකිවේ.
තමන් සිතින් මවාගත් තමන්ට යතාර්ථයක් වූ කම්කරු සගයෙක්, අනිද්‍රාවට ප්‍රතිකර්මයක් සෙවීමට උදවුවන ගණිකාවක්, තම සිතෙහි වරින්වර එලියට පැමිණ හොල්මන් කරන විසඳගත නොහැකි ප්‍රෙහෙලිකාවක්‌ යන තෙමා වටා ගෙතුනු අවසන් මොහොත දක්වාම සිදුවුයේ කුමක්දැයි අනුමාන කල නොහැකි අද්විතීය කතා වස්තුවකි. තවත් චිත්‍රපටය ගැන පැහැදිළි කළයුතු නොවේ, මන්දයත් එය ඔබ විසින්ම ගවේෂණය කළයුතු කර්තව්‍යක් බැවිණි.
චිත්‍රපටය online නැරබීමට සහ download කරගැනීමට පහත links භාවිතා කරන්න -
